Cointreau нэрэх фирмийг 1849 онд Анже дахь чихэр үйлдвэрлэдэг ах дүү Адольф, Эдуард-Жан Коинтрео нар үүсгэн байгуулж 1871 онд анх худалдаанд гаргаж байжээ. Cointreau бол амтат болон гашуун жүржийн хатаасан хальс, амтат жүржийн шинэхэн хальсны холимог юм. Амтат болон гашуун жүржийн хальсны охь дээр цэвэр ус, элсэн чихэр, цэвэр спирт гэсэн гуравхан найрлага нэмснээр бий болдог ба хийх арга барилыг гэр бүлийн нууц хэвээр хадгалсаар байна. Cointreau нь дэлхий дахинаа Aperitif буюу хоолны өмнө эсвэл дараах шингэн зууш гэж тодорхойлдог ба мөн энэ нь олон улсын стандарт коктейлүүдийн салшгүй нэгэн орц юм.